وزیراعظم شہباز شریف نے کہا ہے کہ پاکستان جلد خطے میں ترقی کے سفر میں چین کا ہم قدم ہوگا۔
ہانگ زو میں پاک چائنا بزنس ٹو بزنس انویسٹمنٹ کانفرنس سے خطاب کرتے ہوئے وزیراعظم شہباز شریف نے کہا کہ پاکستان کو قرضے نہیں مہارت اور سرمایہ کاری چاہیے۔
وزیراعظم شہباز شریف نے کہا کہ چین کے ساتھ 30 فیصد ایم او یوز معاہدوں میں بدل چکے جن کی مالیت اربوں ڈالر ہے۔ تعاون کے چار شعبے زراعت، آئی ٹی، اکنامک زونز اور مائنز اینڈ منرل اہم ہیں۔
چینی کاروباری شخصیات کو پاکستان میں سرمایہ کاری کی دعوت
چینی کاروباری شخصیات کو پاکستان میں سرمایہ کاری کی دعوت دیتے ہوئے انہوں نے کہا کہ پاکستان میں معدنیات کے بڑے ذخائر ہیں۔
وزیراعظم نے کہا کہ کراچی میں 6 ہزار ایکڑ پر ورلڈ کلاس اسپیشل اکنامک زون بنا رہے ہیں جہاں ون ونڈو آپریشن اور ریڈ کارپٹ ٹریٹمنٹ ملے گا، پاکستان کی نوجوان آبادی کو آئی ٹی ٹریننگ اور عالمی سرٹیفکیشن دے رہے ہیں۔
انہوں نے مزید کہا کہ زراعت میں پیداوار بڑھانے کے لیے بیج، مشینری اور بہترین طریقے چاہئیں۔ دیہی علاقوں میں لاکھوں چھوٹے کاروبار پیدا کریں گے۔
PNP
Comments are closed.