افغانستان ستمبر میں ٹی ٹوئنٹی سیریز کیلئے بھارت کی میزبانی دہلی میں کرے گا

افغانستان اپنی کرکٹ سیریز کی میزبانی بھارتی دارالحکومت دہلی میں کرے گا۔

بھارتی میڈیا کے مطابق افغانستان ستمبر میں پہلی مرتبہ ٹی ٹوئنٹی سیریز کے لیے بھارت کی میزبانی کرے گا۔

بھارتی میڈیا کا اس حوالے سے کہنا ہے کہ 3 ٹی ٹوئنٹی میچز 13،  16 اور 19 ستمبر کو کھیلے جائیں گے۔

علاوہ ازیں افغانستان کی کرکٹ ٹیم رواں ماہ 1 ٹیسٹ اور 3 ون ڈے میچز کے لیے بھارت کا دورہ کر رہی ہے۔

بھارتی میڈیا کے مطابق افغانستان کرکٹ بورڈ نے جوابی دورے کے لیے بھارتی بورڈ سے رابطہ کیا تھا، دونوں بورڈز کے درمیان اچھے تعلقات ہیں اور سیریز کے لیے بات چیت ہو چکی ہے۔

واضح رہے کہ افغانستان کرکٹ بورڈ اپنی سیریز کی میزبانی ماضی میں بھارت اور متحدہ عرب امارات میں کرتا رہا ہے۔

بھارت میں افغانستان نے آئر لینڈ، بنگلا دیش اور نیوزی لینڈ کی میزبانی کی ہوئی ہے۔