فیفا ورلڈکپ میں میچز کے باوجود ایرانی ٹیم کو امریکا میں قیام کی اجازت نہیں

فیفا ورلڈ کپ 2026ءمیں شریک ایران کی فٹبال ٹیم کو امریکا میں قیام کی اجازت نہیں۔

ایرانی ٹیم میچ والے دن امریکا پہنچے گی اور اسے اسی دن واپس جانے کی ہدایت کردی گئی ہے۔

ایران اور امریکا کے درمیان کشیدہ تعلقات کے تناظر میں یہ ویزا پابندیاں عائد کی گئی ہیں۔

ایران کے سفیر برائے میکسیکو ابوالفضل پسندیدہ کا کہنا ہے کہ ٹیم امریکا میں صبح داخل ہو سکتی اور اسی دن واپس جانا ہوگا۔

ورلڈ کپ میں ایرانی ٹیم کے نیوزی لینڈ ، بیلجیئم اور مصر کے خلاف میچز لاس اینجلس اور سیاٹل میں شیڈولڈ ہیں جبکہ اس کا ٹریننگ بیس کیمپ میکسیکو میں بنایا گیا ہے۔