بیجنگ : چین نے تاریخ کو یاد کرنے اور دنیا کے ساتھ مستقبل تخلیق کرنے کے لئے ایک شاندار فوجی پریڈ کا انعقاد کیا۔
جمعرات کے روز چینی میڈیا کے مطابق یادگاری تقریبات میں شرکت کرنے والے بہت سے ممالک کے رہنماؤں نے ان سرگرمیوں کو “عالمی دوستی کا ایک تاریخی واقعہ” قرار دیا۔
بین الاقوامی رائے عامہ نے تبصرہ کیا کہ “دنیا نے دیکھا ہے کہ چین پرامن ترقی کے لئے ایک مضبوط طاقت ہے” ۔آج، 80 سال بعد، انسانیت کو امن یا جنگ، مکالمے یا تصادم، جیت جیت یا زیروسم کے انتخاب کا ایک بار پھر سامنا ہے.دنیا جنگ نہیں بلکہ امن چاہتی ہے۔ امن اور سلامتی کےپہلو سے چین دنیا کی بہترین طاقت ہے۔دنیا کو تصادم نہیں بلکہ بات چیت کرنی چاہیے۔ چین بین الاقوامی عدل و انصاف کا بھرپور دفاع کرتا ہے اور یکطرفہ پسندی اور غنڈہ گردی کی مخالفت کرتا ہے۔
اقوام متحدہ کے سیکرٹری جنرل انتونیو گوتریس بارہا کہہ چکے ہیں کہ چین بین الاقوامی تعاون اور کثیرالجہتی کا اہم ستون ہے۔دنیا زیرو سم کے بجائے جیت جیت تعاون چاہتی ہے۔ چین دنیا کے ساتھ مل کر ترقی کرتا آ رہا ہے۔ بین الاقوامی مالیاتی فنڈکے مطابق، چین کی اقتصادی ترقی کا ہر 1 فیصد پوائنٹ دیگر معیشتوں کی پیداوار میں اوسطاً 0.3 فیصد پوائنٹس کا اضافہ کرے گا.تاریخ کی بہترین یاد ایک نئی تاریخ تخلیق کرنا ہے۔ فتح کی بہترین وراثت نئی فتوحات کی طرف بڑھنا ہے۔
اس وقت چین چینی طرز کی جدیدکاری کے ساتھ ایک مضبوط ملک کی تعمیر اور قومی احیاء کو فروغ دے رہا ہے۔ یہ نہ صرف چینی عوام کے لئے بہتر اور خوشحال زندگی کی جانب ایک روشن راستہ ہے بلکہ عالمی امن اور ترقی کو فروغ دینے کے لئے منصفانہ راستہ بھی ہے۔
