کراچی میں موٹر سائيکل چوری میں ملوث خاتون گرفتار

کراچی (پی این پی) کراچی میں موٹر سائيکل چوری میں ملوث خاتون گرفتار کرلی گئی۔

نجی ٹی وی چینل ’’جیو نیوز‘‘ کے مطابق کراچی پولیس نے بتایا کہ خفیہ اطلاع پر سولجر بازار کے علاقے میں کارروائی کرتے ہوئے  موٹر سائیکل لفٹنگ میں ملوث خاتون ملزمہ  سحر بتول کو گرفتار کیا گیا ہےجبکہ خاتون کا شوہر فرار ہے۔ 

 پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں آئی ہے، جبکہ ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔

سولجر بازار پولیس نے موٹر سائیکل لفٹنگ میں ملوث خاتون ملزمہ کو گرفتار کرلیا۔ ملزمہ سحر بتول کو CCTV فوٹیج کی مدد سے گرفتار کیا گیا جبکہ اس کے قبضے سے چوری شدہ موٹر سائیکل (KQX-2361) برآمد کرلی گئی۔ پولیس کے مطابق ملزمہ اپنے فرار شوہر کے ساتھ متعدد وارداتوں میں ملوث رہی ہے pic.twitter.com/z1D4aB3Cn6

— Karachi Police (@KarachiPolice_) July 23, 2026

سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جاسکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔

 پولیس کے مطابق گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔