کراچی ائیرپورٹ پر کسٹمز کی کارروائی مسافر سے درجنوں کیمرے اور لینس برآمد

کراچی(پی این پی) کسٹمز  نے جناح انٹرنیشنل ائیرپورٹ پر  کارروائی کرتے ہوئے مسافر کے سامان سے لاکھوں روپے مالیت کے قیمتی کیمرے برآمد کرلیے۔

نجی ٹی وی چینل جیو نیوز کے مطابق کسٹمز ذرائع کا کہنا ہے کہ دبئی سے آنے والے مسافر سے 29 کیمرے اور 5 کیمرہ لینس برآمد ہوئے، جن میں 19 ڈیجیٹل کیمرے اور 10 فٹنس بینڈز سمیت دیگر الیکٹرانک اشیاء شامل ہیں۔

کسٹمز ذرائع نے مزید بتایا کہ مسافر سے برآمد سامان کی مجموعی مالیت تقریباً 55 لاکھ روپے ہے، مسافر سے مزید تحقیقات کی جا رہی ہیں۔