ٹریفک وارڈن عمران منیر کی جڑواں بیٹیوں کا منفرد اعزاز، میٹرک میں یکساں نمبر حاصل کرلیے

لاہور( پی این پی)ٹریفک وارڈن عمران منیر کی جڑواں بیٹیوں نے میٹرک امتحان میں یکساں نمبر حاصل کر کے منفرد اعزاز اپنے نام کر لیا۔

دونوں بہنوں نے 1200 میں سے 1183، 1183 نمبر حاصل کیے۔سی ٹی اونے ٹریفک وارڈن عمران منیرکی جڑواں بیٹیوں کودفترمدعوکیااورہونہار طالبات اور ان کے والدین کو مبارکباد، نیک تمنائوں کا اظہار کیا ۔سی ٹی او کی جانب سے دونوں بہنوں کو تحائف بھی دئیے گئے۔