اسلام آباد(نیوزڈیسک)احتساب عدالت اسلام آباد میں سابق وزیر خزانہ اسحاق ڈار و دیگر کے خلاف آمدن سے زائد اثاثہ جات ریفرنس پر سماعت مکمل ہوگئی جس کا فیصلہ 21 اکتوبر کو سنایا جائے گا۔
تفصیلات کے مطابق محفوظ فیصلہ آنے کے بعد پتہ چلے گا کہ اسحاق ڈار ریفرنس سے بری ہوں گے یا ریفرنس آگے چلے گا۔
آج احتساب عدالت کے جج محمد بشیر نے سماعت کی تو نیب پراسیکیوٹر اور اسحاق ڈار کے وکیل قاضی مصباح نے دلائل مکمل کیے۔
احتساب عدالت نے اس سے قبل ریفرنس داخل دفتر کردیا تھا اور یاد رہے کہ سپریم کورٹ کے فیصلے کی روشنی میں ریفرنس پر دوبارہ سماعت کی گئی ہے۔
