یو ایس اوپن ٹینس: ویمن ایونٹ، 51 برس بعد پہلی مرتبہ ٹاپ فور سیڈڈ کھلاڑی سیمی فائنل میں پہنچ گئیں

یو ایس اوپن ٹینس کے ویمن ایونٹ میں ابتدائی چار سیڈڈ کھلاڑی سیمی فائنل کیلئے کوالیفائی کرنے میں کامیاب رہیں، 51 برس بعد یہ پہلا موقع ہے کہ ٹاپ فور سیڈد کھلاڑی آخری چار میں جگہ پانے میں کامیاب رہی ہیں۔

نیو یارک میں جاری سال کے آخری گرینڈ سلم ٹینس ٹورنامنٹ میں ویمن ایونٹ میں آریانا سبالنکا، ایلینا ربیکینا، جیسیکا پیوگولا اور کوکو سیمی فائنل میں رسائی میں کامیاب رہی ہیں۔

یہ چاروں کھلاڑی نمبر ون، ٹو، تھری اور فور سیڈ ہیں۔ یو ایس اوپن ٹینس کی تاریخ میں 51 برس بعد یہ پہلا موقع ہے کہ ابتدائی چاروں سیڈڈ کھلاڑی سیمی فائنل میں پہنچنے میں کامیاب رہی ہیں۔

علاوہ ازیں 2009 میں ومبلڈن چیمپئن شپ کے بعد یہ پہلا موقع ہے کہ کسی بھی گرینڈ سلم کے ویمن ایونٹ میں ابتدائی چاروں سیڈڈ کھلاڑی کوالیفائی کرنے میں کامیاب رہی ہیں۔