اندازہ ہی نہیں ہوا گیند بلے کا کنارہ لے کر گئی ہے، حارث کے اصرار پر ری ویو لیا، شاداب

میچ ونر شاداب خان نے کہا کہ انہیں اندازہ ہی نہیں ہوا کہ گیند بلے کا کنارہ لے کر گئی ہے۔ حارث رؤف نے اصرار کیا کہ ری ویو لینا چاہیے۔

میڈیا سے گفتگو میں شاداب خان کا کہنا تھا کہ حارث کے اصرار پر ری ویو لیا، اس وقت کافی مایوسی کا شکار تھا۔

انہو ں نے کہا کہ سلیکٹرز اور ٹیم مینجمنٹ نے جس اعتماد کا اظہار کیا، اس پر پورا اترنے کی خوشی ہے۔

حارث رؤف کا کہنا ہے کہ آخری لمحات میں شاداب سے یہی بات ہوئی تھی کہ میچ میں خود ختم کروں گا۔

انہوں نے کہا کہ شاداب خان نے جس انداز میں بیٹنگ کی وہ ورلڈ کلاس تھی، یہ کامیابی پاکستان کے عوام کے لیے بھی خوشی کا بڑا موقع ہے۔