سعودی عرب میں حوثیوں کا حملہ، دو افراد زخمی

سعودی حکام کے مطابق یمن کی سرحد سے متصل علاقے میں حوثیوں کی جانب سے داغا گیا ایک پروجیکٹائل گرنے کے نتیجے میں دو افراد زخمی ہو گئے۔

سعودی سول ڈیفنس کے مطابق واقعہ جازان ریجن کے الطوال علاقے میں پیش آیا، جہاں حملے کے بعد متعلقہ فورسز نے کارروائی کی۔

حکام کا کہنا ہے کہ حملے کے نتیجے میں دو افراد زخمی ہونے کے علاوہ ایک مسجد، کئی عمارتوں اور متعدد گاڑیوں کو بھی نقصان پہنچا۔

سعودی حکام نے شہریوں کو محتاط رہنے کی ہدایت کی ہے، جبکہ یہ حملہ ممکنہ نئے حملوں کے حوالے سے جاری کیے گئے انتباہ کے چند گھنٹے بعد کیا گیا۔

سعودی عرب اور حوثیوں کے درمیان حالیہ کشیدگی کے باعث یمن سے ملحقہ سعودی علاقوں میں سکیورٹی صورتحال پر بھی نظر رکھی جا رہی ہے۔