وزیراعظم نے پیٹرولیم لیوی سے بڑھ کر ریلیف منتقل کرنے کا فیصلہ کیا ہے: علی پرویز ملک

وفاقی وزیر پیٹرولیم علی پرویز ملک نے کہا ہے کہ وزیراعظم شہباز شریف نے پیٹرولیم لیوی سے بڑھ کر ریلیف منتقل کرنے کا فیصلہ کیا ہے۔

جیو نیوز کے پروگرام نیا پاکستان میں گفتگو کے دوران علی پرویز ملک نے کہا کہ بار بار کہا جارہا تھا لیوی کی وجہ سے پٹرول کی قیمت بڑھتی ہے۔

انہوں نے کہا کہ وسائل کی تنگی کے باوجود وزیر اعظم نے ریلیف دینے کا فیصلہ کیا ہے، شہری گھر بیٹھ کر خود کو ریلیف کے لیے رجسٹر کرسکیں گے۔

وفاقی وزیر نے مزید کہا کہ ہماری کوشش ہے لوگوں کو تحفظ دیں، وزیر اعظم نے عوام کی سہولت کےلیے یہ فیصلہ کیا ہے۔