کراچی (پروموشنل ریلیز) پاکستان میں تیزی سے ترقی کرنے والے اسلامی بینکوں میں شامل بینک اسلامی نے اپنے کریڈٹ انڈر رائٹنگ کے عمل کو ڈیجیٹائز کرنے کے لیے اِن ہاؤس اور مصنوعی ذہانت پر مبنی کنزیومر فنانس اوریجینیشن سسٹم متعارف کروا دیا ہے۔ یہ پلیٹ فارم دستی جائزے اور انتظار کے وقت کو کم کرتا ہے جس کے نتیجے میں صارفین کے لیے فنانسنگ کی درخواست کا عمل تیز تر ہو جاتا ہے۔
‘تیز رفتار’ نامی یہ پلیٹ فارم بینک کے مکمل کنزیومر پورٹ فولیو، بشمول آٹو، ہوم، پرسنل فنانسنگ اور گورنمنٹ اسکیمز، کو ایک ہی ڈیجیٹل ورک فلو میں شامل کرتا ہے، جس میں ایک معیاری انڈر رائٹنگ فریم ورک ہر برانچ میں یکساں طور پر لاگو کیا جاتا ہے۔
اجراء کی تقریب بینک کے صدر دفتر کراچی میں منعقد ہوئی جس میں صدر و چیف ایگزیکٹو آفیسر رضوان عطا، ڈپٹی چیف ایگزیکٹو آفیسر عمران ایچ شیخ، چیف آپریشنز آفیسر سہیل سکندر، چیف رسک آفیسر سجاد قریشی، اور گروپ ہیڈ کنزیومر اینڈ چینل سیلز ذوالفقار لہری کے علاوہ انتظامی ٹیم کے سینئر اراکین نے شرکت کی۔
بینک اسلامی کے ڈپٹی چیف ایگزیکٹو آفیسر عمران ایچ شیخ نے اس موقع پر کہا: “ہمارا مشن ہمیشہ سے یہ رہا ہے کہ شریعہ کے مطابق بینکاری ہر صارف کے لیے قابلِ رسائی بنائی جائے، اور یہ نظام صارفین کو ایک سادہ، تیز اور مکمل طور پر شفاف تجربہ فراہم کر کے اس مشن کو مزید آگے بڑھاتا ہے۔” انہوں نے مزید کہا: “یہ نظام اسی معیار کی خدمت فراہم کرنے کے لیے تیار کیا گیا ہے جس کی ہمارے صارفین ہم سے توقع رکھتے ہیں۔”
یہ اجراء بینک اسلامی کے ڈیجیٹل اور آپریشنل تبدیلی کے بڑھتے ہوئے پورٹ فولیو میں ایک اور اضافہ ہے۔ بینک اپنے نیٹ ورک کو وسعت دینے اور اپنی خدمات کو مزید بہتر بنانے کے لیے کوشاں ہے، اور انسانیت کو سود سے بچانے کے اپنے مشن کے لیے پرعزم ہے۔
PNP
Comments are closed.