غزہ میں انسانی بحران پرمانچسٹر سٹی کے سابق کوچ پیپ گارڈیولا کی اسرائیلی حکومت پر سخت تنقید

مانچسٹر سٹی کے سابق کوچ پیپ گارڈیولا نے غزہ میں فلسطینیوں کی صورتحال پر تشویش کا اظہار کرتے ہوئے اسرائیلی حکومت پر شدید تنقید کی ہے۔

انہوں نے اقوام متحدہ کی فلسطینی پناہ گزینوں کے لیے امدادی ایجنسی (یو این آر ڈبلیو اے) کی حمایت میں جاری ایک ویڈیو پیغام میں عالمی برادری سے فلسطینی عوام کی مدد جاری رکھنے کی اپیل کی۔

تین منٹ سے زائد دورانیے کی ویڈیو میں پیپ گارڈیولا نے بالخصوص بچوں کی مشکلات اور جنگ کے انسانی اثرات کو اجاگر کیا۔ ان کا کہنا تھا کہ جاں بحق ہونے والے افراد محض اعداد و شمار نہیں بلکہ نام، خاندان، خواب اور یادیں رکھنے والے انسان تھے۔

اسپینش کوچ نے ملبے تلے اپنے والدین کو تلاش کرتے بچوں، بھوک اور بنیادی ضروریات سے محروم خاندانوں کی صورتحال کا ذکر کرتے ہوئے کہا کہ فلسطینیوں کی تکلیف کو نظرانداز نہیں کیا جاسکتا۔

¿Como es posible que haya niñas y niños en #Gaza que reconozcan el sonido de un bombardeo antes que el de una canción de cuna?
Palestina pide que no la dejemos sola.
Sigue hablando de Palestina y apoya a UNRWA. 💙
Por favor, si puedes, dona en
👉 https://t.co/Y6bPkvhRwY pic.twitter.com/z7WAjmmtOY

— UNRWA.es (@UNRWAes) October 18, 2026

گارڈیولا نے اسرائیلی حکومت پر غزہ میں بڑے پیمانے پر ہلاکتوں اور انسانی امداد کی ترسیل میں رکاوٹیں ڈالنے کا الزام بھی عائد کیا۔ انہوں نے دعویٰ کیا کہ غزہ میں 74 ہزار سے زائد افراد ہلاک ہوچکے ہیں۔

اپنے پیغام کے اختتام پر پیپ گارڈیولا نے عالمی برادری سے یو این آر ڈبلیو اے کی مالی معاونت کرنے کی اپیل کی، تاکہ ضرورت مند فلسطینیوں تک امداد پہنچائی جاسکے۔

واضح رہے کہ پیپ گارڈیولا اس سے قبل بھی غزہ کی صورتحال پر آواز اٹھا چکے ہیں اور فلسطینیوں کے لیے انصاف اور امن کی حمایت کرچکے ہیں۔