کراچی (پی این پی) پاکستان تحریک انصاف سندھ کے صدر حلیم عادل شیخ نے سندھ حکومت کو تنقید کا نشانہ بناتے ہوئے کہا ہے کہ سندھ حکومت کی انٹرنیشنل معیار کی کارپٹنگ کا شاہکار دیکھیں، عوام کے ٹیکس کا پیسہ اس طرح ضائع کرنا آخر کب تک جاری رہے گا۔
اپنے ایکس اکاؤنٹ پر ایک سڑک کی ویڈیو شیئر کرتے ہوئے انہوں نے لکھا 16 سالہ حکمرانی کے باوجود سڑکوں کے نام پر عوام کو یہ مذاق دکھایا جا رہا ہے۔ سوال یہ ہے کہ یہ سڑک عوام کی سہولت کے لیے بنائی جا رہی ہے یا صرف سرکاری فنڈز ہڑپ کرنے کے لیے؟
سندھ حکومت کی انٹرنیشنل معیار کی کارپٹنگ کا شاہکار دیکھیں! سندھ کے عوام کے ٹیکس کا پیسہ اس طرح ضائع کرنا آخر کب تک جاری رہے گا؟ 16 سالہ حکمرانی کے بعد بھی سڑکوں کے نام پر عوام کو یہ مذاق دکھایا جا رہا ہے۔ سوال یہ ہے کہ یہ سڑک عوام کی سہولت کے لیے بن رہی ہے یا صرف سرکاری فنڈز ہڑپ کرنے کے لیے؟
— Haleem Adil Sheikh (@HaleemAdil) October 31, 2026
اپنے ایک اور بیان میں پی ٹی آئی سندھ کے صدر نے کہا کہ ملک کو آگے لے جانے کا راستہ سیاسی انتقام، گرفتاریوں اور پابند سلاسل کرنے میں نہیں بلکہ سیاسی استحکام اور انصاف میں ہے۔عمران خان، ان کی فیملی اور تحریک انصاف کی قیادت کو قید رکھ کر ملک ترقی نہیں کر سکتا۔ فیصلہ ساز ہوش کے ناخن لیں، عوامی مینڈیٹ کا احترام کریں اور عمران خان سمیت تمام سیاسی قیدیوں کو فوری رہا کریں۔
PNP
Comments are closed.