بیجنگ(نیوزڈیسک)چین کی وزارت خارجہ کی ترجمان ماو ننگ نے بتایا ہے کہ سی پی سی کی مرکزی کمیٹی کے پولیٹیکل بیورو کے رکن اور چین کے وزیر خارجہ وانگ ای 13 سے 18 جنوری 2024 تک مصر، تیونس، ٹوگو اور آئیوری کوسٹ کا دورہ کریں گے۔
نئے سال کے آغاز میں چینی وزیر خارجہ کے افریقہ کے دورے کا یہ مسلسل چونتیسواں سال ہو گا ۔ افریقہ کے دورے کے بعد وزیر خارجہ وانگ ای دعوت پر 18 سے 22 جنوری تک برازیل اور جمیکا کا دورہ بھی کریں گے ۔
