دنیا امریکی وزیر دفاع کے سیاسی دکھاوے کی مخالفت کرےگی، چینی وزارت دفاع

بیجنگ:اطلاعات کے مطابق اپنے حالیہ دورہ جاپان کے دوران امریکی وزیر دفاع نےدوسری جنگ عظیم کے دوران پیسفیک خطے میں ایوو جیما کی جنگ میں جاپانی فوجیوں کی “بہادری” کی تعریف کی ہے۔ ایسے ریمارکس نے امریکا کے اندر شکوک و شبہات کو جنم دیا۔ اس حوالے سے چین کی وزارت قومی دفاع کے ترجمان سینئر کرنل زانگ شیاؤ گانگ نے 9 اپریل کو کہا کہ اس سال جاپانی جارحیت کے خلاف چینی عوام کی مزاحمتی جنگ اور عالمی فاشسٹ مخالف جنگ کی فتح کی 80 ویں سالگرہ ہے۔ امریکہ کے بعض لوگ سیاسی دکھاوا کرتے ہوئے غلط کو صحیح ثابت کرنے کی کوشش کر رہے ہیں اور جاپانی فوج کو پاک کرنے میں مصروف ہیں ۔ اس فاشزم کے خلاف لڑنے اور ہلاک ہونے والے بہادر امریکی فوجیوں کو کیسے تسلی د ی جا سکتی ہے۔ اس سے امریکہ میں عوامی غم و غصہ پیدا ہوا ہے اور لامحالہ دنیا اس کی مخالفت کرے گی۔ چین متعلقہ ممالک پر زور دیتا ہے کہ وہ غلط بیانات پھیلانا بند کریں اور گروہی سیاست اور محاذ آرائی پر اکسانے سے گریز کریں اور خطے کے عوام کی سلامتی اور بہبود کو نقصان پہنچانے سے باز رہیں۔