چین کا تھیان وین-2 پروب لانچ کر دیا گیا

تھیان وین-2 پروب لانچ

بیجنگ :انتیس مئی کو چین نے لانگ مارچ 3 بی راکٹ کے ذریعے تھیان وین-2 پروب لانچ کر دیا۔

جمعرات کے روز چینی میڈیا نے بتایا کہ یہ پروب سیارچے 2016 ایچ او 3 سے نمونے جمع کرکے زمین پر واپس آئے گا اور بعد میں دم دار ستارے 311 پی کی تحقیقات شروع کرےگا۔

سیارچے کے نمونے زمین پر واپس لائے گا

تھیان وین-2 2027 تک سیارچے کے نمونے زمین پر واپس لائے گا اور اس کے بعد دم دار ستارے 311 پی کا مطالعہ جاری رکھے گا۔ 11 سائنسی آلات سے لیس یہ پروب مشن کے 13 مراحل مکمل کرے گا۔ مشن کا مقصد اہم خلائی ٹیکنالوجیز کو آگے بڑھانا ہے، جیسے کہ کمزور کشش ثقل کی سطح سے نمونہ جمع کرنا، خود کار نیویگیشن، اور گہرے خلائی مدار کی منتقلی۔ سائنسی نقطہ نظر سے ، یہ ابتدائی نظام شمسی کے بارے میں ہماری تفہیم کو گہرا کرنے کے لئے سیارچوں کی ساخت اور ارتقا ء کا تجزیہ کرنے کی کوشش کرے گا۔ چائنا نیشنل اسپیس ایڈمنسٹریشن کی سربراہی میں یہ مشن چین کی سیاروں کی سائنسی تحقیق میں ایک اہم قدم ہے۔

چین،شینزو 20 کے عملے کی کامیابی کے ساتھ اپنی پہلی بیرونی سرگرمی کی تکمیل