اسلام آباد(سٹاف رپورٹر ) وفاقی دارالحکومت اسلام آباد میں گاڑیوں پر ایم ٹیگ لگنے کا سلسلہ احسن انداز میں جاری ہے۔ہفتہ کو ضلعی انتظامیہ کی جانب سے جاری بیان کے مطابق شہر بھر میں قائم 10 پوائنٹس پر ایک روز میں 3 ہزار 636 گاڑیوں پر ٹیگ لگایا گیا۔آئی ایٹ میں 952، 26 نمبر 547 جبکہ ایف نائن پارک پوائنٹ پر 495 گاڑیوں کو ایم ٹیگ لگایا گیا۔
گلبرگ گرینز میں 366، ترلئی میں 315 اور ایکسائز آفس میں 281 گاڑیوں کو ایم ٹیگ لگے۔لیک ویو پارک 268، ایف سیون 169، اسلام آباد کلب 157 اور آئی الیون میں 86 گاڑیوں پر ایم ٹیگ لگا۔ڈی سی اسلام آباد عرفان نواز میمن نے کہا کہ شہریوں کی سہولت کے لیے خدمات ہفتہ اور اتوار کے روز بھی جاری رہیں گی
،شہری صبح 9 سے رات 9 بجے تک ہفتے کے ساتوں دن پوائنٹس وزٹ کر سکتے ہیں۔عرفان میمن نے کہا کہ شہریوں کے لیے ہمہ وقت خدمات کی فراہمی کا مقصد ریلیف کی یقینی فراہمی ہے۔
