سکھر :پاکستان مسلم لیگ کے مرکزی سیکرٹری اطلاعات غلام مصطفیٰ ملک نے یومِ ثقافتِ سندھ پر اپنے پیغام میں کہا ہے کہ سندھی کلچر ڈے کے موقع پر میں سندھ سمیت دنیا بھر میں بسنے والے غیور سندھی عوام کو دلی مبارکباد پیش کرتا ہوں۔
ان خیالات کا اظہار انہوں نے ممتاز صحافی مدثر حسین سے خصوصی گفتگو کرتے ہوئے کیا ۔
مصطفیٰ ملک نے کہا کہ سندھ کی تہذیب، روایات اور صدیوں پرانی ثقافت ہماری قومی پہچان ہیں۔ سندھی ثقافت امن، محبت، بھائی چارے اور رواداری کا حسین امتزاج ہے۔
اجرک اور ٹوپی سندھ کی شان اور شناخت ہیں جن پر پوری قوم کو فخر ہے۔انہوں نے کہا کہ آج کے دن سندھی عوام کو عہد کرنے کی ضرورت ہے کہ وہ اپنی ثقافت، اپنی روایات اور اپنے ورثے کو نہ صرف محفوظ رکھیں گے بلکہ اسے آنے والی نسلوں تک منتقل بھی کریں گے۔انہوں نے کہا کہ سندھی کلچر ڈے دنیا کو ہمارے پرامن سندھ کے خوبصورت، پرامن اور محبت کرنے والے تشخص کا پیغام دیتا ہے۔
