پاکستان کا چین کے ساتھ سٹریٹجک تعاون کو مزید گہرا کرنے کا اعلان

اسلام آباد :وزیر اعظم شہبازشریف نے کہا کہ چینی صدر شی جن پھنگ کی دور اندیش قیادت میں چین نے جدید کاری، اختراع اور عالمی تعاون میں نمایاں کامیابیاں حاصل کی ہیں۔ پاکستان صدر شی جن پھنگ کے تجویز کردہ چاروں گلوبل انیشی ایٹوز کی مضبوطی سے حمایت کرتا ہے اور دونوں ممالک کے درمیان ہمہ جہت سٹریٹجک تعاون کو مزید گہرا کرتا رہے گا۔حالیہ دنوں ، متعدد ممالک کے رہنماؤں اور بین الاقوامی تنظیموں کے سربراہان نے سی پی سی سینٹرل کمیٹی کے جنرل سیکرٹری اور چین کے صدر شی جن پھنگ کے نام پیغامات یا خطوط کے ذریعے گھوڑے سے منسوب چینی نئے سال کی آمد پر مبارک باد پیش کی اور چینی عوام کے لیے نیک تمناؤں کا اظہار کیا۔ روسی صدر ولادیمیر پوٹن نے صدر شی جن پھنگ کو گرمجوشی سے مبارکباد پیش کرتے ہوئے کہا کہ نئے عہد کے لئے روس چین جامع اسٹریٹجک شراکت داری نے مضبوط ترقی کو برقرار رکھا ہے اور گزشتہ سال سے اہم تعاون کے بڑے منصوبے بتدریج آگے بڑھ رہے ہیں۔ انہوں نے کہا کہ روس اور چین مشترکہ طور پر 2026 میں “روس۔چین تعلیمی سال” کا آغاز کریں گے۔ انہوں نے چینی عوام کے لیے خوشحالی، صحت اور ہر میدان میں کامیابی کی خواہش کا اظہار کیا۔ اس کے علاوہ سعودی فرمانروا شاہ سلمان، ولی عہد اور وزیراعظم محمد بن سلمان، کمیونسٹ پارٹی آف لاؤس کے جنرل سیکرٹری اور صدر تھونگلون سیسولتھ، کیوبا کے انقلابی رہنما راؤل کاسترو اور کمیونسٹ پارٹی آف کیوبا کے فرسٹ سیکرٹری، کیوبا کے صدر میگوئل ڈیاز کینیل، کمبوڈیا کی پیپلز پارٹی کے چیئرمین اور سینیٹ کے صدر ہن سین، بوسنیا و ہرزیگووینا ، برازیل، جنوبی افریقہ، متحدہ عرب امارات، نیپال، سری لنکا، مالدیپ، تاجکستان، کرغیزستان، ازبکستان، آذربائیجان، کانگو (برازاویل)، کینیا، زامبیا، سیرا لیون، سینیگال، گھانا، کوموروس، سوشیلس ریپبلک، بونیوا، سنٹرل افریقہ، سیرالیون، کینیا، سربیا، ہنگری، سلوواکیہ، آئس لینڈ، قبرص، سلووینیا، بلغاریہ، نورو، کریباتی، منگولیا، آرمینیا، ایران، اسرائیل، تیونس، آسٹریا اور کروشیا کے صدور کے ساتھ ساتھ، فن لینڈ، تھائی لینڈ، نیپال، ہنگری، انٹیگوا اور باربوڈا، ، ڈومینیکا، کے وزرائے اعظم اور اقوام متحدہ کے سیکرٹری جنرل، یو این فوڈ اینڈ ایگریکلچر آرگنائزیشن کے ڈائریکٹر جنرل اور شنگھائی کوآپریشن آرگنائزیشن کے سیکرٹری جنرل نے بھی چینی صدر شی جن پھنگ کو چینی نئے سال کی مبارک باد دیتے ہوئے چینی عوام کے لیے خوشحالی و ترقی کی نیک خواہشات کا اظہار کیا۔