پاکستان اور مصری وزارئے خارجہ کے درمیان ٹیلیفونک رابطہ، خطے کی صورتحال پر گفتگو

پاکستان اور مصر کے وزرائےخارجہ کے درمیان ٹیلیفونک رابطہ ہوا ہے جس میں خطے کی صورتحال پر گفتگو ہوئی ہے۔ 

ترجمان دفتر خارجہ کے مطابق پاکستان، سعودی عرب، ترکیے اور مصر کے وزرائے خارجہ کے مشاورتی فورم سے متعلق امور پر بھی گفتگو ہوئی ہے۔ 

اس موقع پر مصری وزیر خارجہ بدرعبدالعاطی نے پاکستان کی امن و استحکام کیلئے کوششوں کی تعریف کی۔ 

اس دوران اقوام متحدہ سلامتی کونسل اور عالمی سفارتی پیشرفت پر بھی تبادلہ خیال کیا گیا۔ 

مصری وزیرخارجہ کی ایرانی اور پاکستانی ملاحوں کی واپسی میں پاکستان کے کردار کی تعریف کی۔ 

ترجمان دفتر خارجہ کے مطابق امریکا کی تحویل میں لیے گئے جہازوں سے 20 ایرانی اور 11 پاکستانی ملاحوں کی واپسی ممکن بنائی گئی ہے۔ 

ترجمان دفتر خارجہ کے مطابق مصری وزیر خارجہ نے اسحاق ڈار کو دوطرفہ مشاورت کیلئے مصر کے دورے کی دعوت بھی دے دی۔

انہوں نے کہا کہ پاکستان اور مصر نے علاقائی و عالمی امور پر مشاورت جاری رکھنے پر بھی اتفاق کیا گیا۔