امریکا میں مقتول فلسطینی نژاد بچے کے نام سے سڑک منسوب

امریکی ریاست الینوائے میں ایک سڑک کا نام 6 سالہ فلسطینی نژاد امریکی بچے ودیع الفیومی کی یاد میں رکھ دیا گیا، جو اکتوبر 2023 میں ایک مہلک چاقو حملے میں جان کی بازی ہار گیا تھا۔

نامزدگی کی تقریب میں مقامی حکام، کمیونٹی رہنماؤں اور مقتول بچے کے اہلِ خانہ نے شرکت کی۔ سڑک کو “ودیع الفیومی، لٹل فلسطین وے” کا نام دیا گیا، جس کا مقصد بچے کی یاد کو زندہ رکھنا اور نفرت پر مبنی جرائم کے خلاف ایک علامتی پیغام دینا ہے۔

یاد رہے کہ ودیع الفیومی کو 14 اکتوبر 2023 کو ریاست الینوائے کے علاقے پلین فیلڈ میں چاقو کے حملے میں قتل کر دیا گیا تھا، جبکہ اس کی والدہ بھی اسی حملے میں شدید زخمی ہوئی تھیں۔

A street in the US state of Illinois has been named after Wadea Al-Fayoume, a six year old Palestinian American boy who was killed in a 2023 Islamophobic attack.

Police said Wadea was stabbed 26 times by his landlord because the family were Muslim. pic.twitter.com/lKkNSCh5XV

— Al Jazeera English (@AJEnglish) July 13, 2026

عدالتی کارروائی کے بعد ملزم کو قتل اور نفرت پر مبنی جرم سمیت متعدد الزامات میں مجرم قرار دیتے ہوئے 53 سال قید کی سزا سنائی گئی۔

مقامی رہنماؤں کا کہنا ہے کہ سڑک کو ودیع الفیومی کے نام سے منسوب کرنے کا مقصد صرف ایک معصوم بچے کو خراجِ عقیدت پیش کرنا نہیں بلکہ یہ پیغام دینا بھی ہے کہ مذہب، نسل یا قومیت کی بنیاد پر نفرت اور تشدد کی معاشرے میں کوئی جگہ نہیں ہونی چاہیے۔