کراچی(پی این پی) مالیاتی خدمات میں بہترین کارکردگی کے عالمی معیار کے طور پر تسلیم کیے جانے والے ادارے ’’یورومنی‘‘ نے بینک اسلامی کو پاکستان کا بہترین اسلامی ڈیجیٹل بینک قرار دیا ہے۔ یہ اعزاز بینک اسلامی کی جدت، ٹیکنالوجی پر مبنی ترقی اور ملک بھر میں شریعہ کے اُصولوں کے مطابق بینکاری خدمات تک رسائی کو مزید وسعت دینے کے لیے جاری اقدامات کا اعتراف ہے۔
یہ اعزاز اس بات کی علامت ہے کہ بینک اسلامی کو یورومنی کی جانب سے مسلسل دوسرے سال پذیرائی حاصل ہوئی ہے۔ اس سے قبل بینک کو پاکستان کا بہترین اسلامی بینک قرار دیا گیا تھا۔ یہ کامیابی بینک کی جانب سے اپنے پلیٹ فارمز کو مزید مضبوط بنانے، صارفین کے تجربے کو بہتر بنانے اور ملک بھر میں شریعہ کے اُصولوں کے مطابق مالیاتی خدمات تک رسائی بڑھانے کے لیے کی جانے والی مسلسل پیش رفت کی عکاسی کرتی ہے۔
2025 کے آغاز میں بینک اسلامی نے اپنے بنیادی بینکاری نظام کو کامیابی کے ساتھ iMAL R-14 پر اپ گریڈ کیا، جس کے نتیجے میں بینک ایک مرکزی اور API سے منسلک پلیٹ فارم پر منتقل ہو گیا۔ اس اقدام کے بعد صارفین کے 70 فیصد سے زائد رابطے اور خدمات کے حصول کا عمل ڈیجیٹل بنیادوں پر منتقل ہو گیا۔ بینک نے اپنے اندرونی آپریشنز، ورک فلو اور مواصلاتی نظام کے ایک بڑے حصے کو بھی مصنوعی ذہانت (AI) کی مدد سے ڈیجیٹل بنا دیا، جس سے کارکردگی اور استعداد میں مزید بہتری آئی۔
سال 2025 کی نمایاں کامیابی’ایک (aik)’ کا اجرا تھا، جو پاکستان کا پہلا مکمل ڈیجیٹل اسلامی بینکاری پلیٹ فارم ہے۔ ڈیجیٹل ٹیکنالوجی سے ہم آہنگ اور شریعہ کے اُصولوں کے مطابق بینکاری کو ترجیح دینے والے صارفین کے لیے تیار کیا گیا یہ پلیٹ فارم ایک آسان، موبائل پر مبنی بینکاری تجربہ فراہم کرتا ہے، جو ملک میں اسلامی مالیات کی ڈیجیٹل تبدیلی کی قیادت کرنے کے بینک اسلامی کے عزم کی عکاسی کرتا ہے۔
اس کامیابی پر اظہارِ خیال کرتے ہوئے بینک اسلامی کے صدر اور چیف ایگزیکٹو آفیسر، رضوان عطا، نے کہا ہماری ڈیجیٹل تبدیلی مکمل طور پر اپنے صارفین سے کیے گئے اُس وعدے کے مطابق آگے بڑھ رہی ہے کہ اسلامی بینکاری کو زیادہ سے زیادہ آسان اور قابلِ رسائی بنایا جائے۔ ہم اپنی ڈیجیٹل صلاحیتوں کو مالیاتی شمولیت کے فروغ کا ایک اہم ذریعہ سمجھتے ہیں، تاکہ عالمی معیار کی شریعہ کے اُصولوں کے مطابق بینکاری خدمات ہر فرد کی دسترس میں ہوں۔
بینک اسلامی کے ڈپٹی چیف ایگزیکٹو آفیسر، عمران ایچ شیخ نے کہا ملک میں اسلامی بینکاری کے علمبردار ہونے کی حیثیت سے ہماری ذمہ داری صرف کاروباری ترقی تک محدود نہیں، بلکہ یہ یقینی بنانا بھی ہے کہ ہماری خدمات ہر فرد تک پہنچیں۔ ڈیجیٹل نظام حقیقی مالیاتی شمولیت کی کنجی ہے، اور ہم اس شعبے میں مسلسل سرمایہ کاری کر رہے ہیں تاکہ عام لوگوں کے لیے اسلامی بینکاری کو اپنانا مزید آسان بنایا جا سکے۔
بینک اسلامی روایتی اقدار کو جدید مالیاتی حل کے ساتھ یکجا کرتے ہوئے پاکستان کے اسلامی بینکاری کے شعبے میں اپنی قیادت کا کردار برقرار رکھے ہوئے ہے اور خدمات، جدت اور سماجی اثرات کے میدان میں نئے معیارات قائم کرنے کے لیے مسلسل کوشاں ہے۔
PNP
Comments are closed.