بادل برسنے کو تیار، محکمہ موسمیات نے بارشوں کی پیشگوئی کردی

اسلام آباد (پی این پی) ملک میں مون سون بارشوں کا ساتواں سلسلہ شروع ہوگیا ہے،

جس کے باعث لاہور سمیت پنجاب کے مختلف اضلاع میں آج اور کل وقفے وقفے سے بارش ہونے کی پیشگوئی کی گئی ہے۔محکمہ موسمیات کے مطابق لاہور میں خاص طور پر دوپہر کے اوقات میں بارش برسنے کے امکانات ہیں، جبکہ آئندہ دو روز کے دوران شہر کا موسم زیادہ تر ابرآلود رہنے کی توقع ہے۔موسمی صورتحال کے پیش نظر لاہور میں کم سے کم درجہ حرارت 28 ڈگری سینٹی گریڈ جبکہ زیادہ سے زیادہ درجہ حرارت 36 ڈگری سینٹی گریڈ تک رہنے کا امکان ہے۔

محکمہ موسمیات کے ریکارڈ کے مطابق لاہور کا موجودہ درجہ حرارت 31 ڈگری سینٹی گریڈ ہے، جبکہ ہوا میں نمی کی شرح 76 فیصد ریکارڈ کی گئی ہے۔دوسری جانب مون سون کے تازہ اسپیل کے زیرِ اثر پنجاب کے دیگر علاقوں میں بھی بادل برسنے اور موسم خوشگوار ہونے کی توقع ظاہر کی گئی ہے۔