جنرل ہسپتال آتشزدگی میں مریضوں کو بچانے والے سکیورٹی گارڈ کی طبیعت ناساز

لاہور (پی این پی)جنرل ہسپتال کے گائنی وارڈ میں آتشزدگی کے دوران مریضوں کو بچانے والے سکیورٹی گارڈ حامد کی طبیعت دوبارہ ناساز ہو گئی۔

سکیورٹی گارڈ حامد نے آتشزدگی کے دوران اپنی جان خطرے میں ڈال کر گائنی وارڈ سے مریضوں کو ریسکیو کیا تھا تاہم دھوئیں کے باعث اس کی حالت غیر ہو گئی تھی۔حامد کو ایمرجنسی میں طبی امداد دینے کے بعد گزشتہ روز ہسپتال سے ڈسچارج کر دیا گیا تھا تاہم گزشتہ روز صبح سانس اکھڑنے پر اسے دوبارہ ہسپتال میں داخل کر لیا گیا۔حکام کے مطابق سکیورٹی گارڈ حامد کو طبی نگرانی میں رکھا گیا ہے۔