نابینا بلغاریائی خاتون جسے ‘بابا وانگا’ کے نام سے جانا جاتا ہے، نے 2024 ء کے لیے حیرت انگیز پیشین گوئیاں کی ہیں۔
اندرا گاندھی کے قتل اور 9/11 کے حملے جیسے واقعات کو درست طریقے سے دیکھنے کے لیے مشہور، بابا وانگا نے روسی صدر ولادیمیر پیوتن کے قتل، یورپ میں دہشت گردانہ حملوں میں اضافے، اور آنے والے سال میں حیاتیاتی حملوں کی پیش گوئی کی ہے۔
پیوتن کا قتل:
بابا وانگانے روسی صدرولادیمیر پوتن کے قتل کی پیش گوئی کی ہے۔خیال رہے کہ اس سے قبل بھی پیوتن کو متعدد قتل کی کوششوں کا سامنا کرنا پڑا ہے۔
یورپ میں دہشت گردانہ حملوں میں اضافہ:
بابا وانگا کے مطابق یورپ 2024 ء میں دہشت گردانہ حملوں میں اضافہ کا تجربہ کرے گا۔
حیاتیاتی حملے:
سال 2024ء میں حیاتیاتی ہتھیاروں کے ٹیسٹ یا حملے کرنے والے ایک ‘بڑے ملک’ کی پیش گوئی کرتے ہوئے، بابا وانگا نے آنے والے سال میں ان ہتھیاروں کے خطرے کو اجاگر کیا ہے۔
بہت بڑا معاشی بحران:
نابینا خاتون نے پیشگوئی کی تھی کہ 2024 ء میں ایک بڑے معاشی بحران آئے گا۔ انہوں نے اس کی وجہ جغرافیائی سیاسی کشیدگی، معاشی طاقت میں مغرب سے مشرق کی طرف تبدیلی اور قرضوں کی بڑھتی ہوئی سطح کو قرار دیا تھا۔
تاہم ان منحوس پیشین گوئیوں کے درمیان، بابا وانگا نے مثبت پیش رفت کے بارے میں بھی بتایا تھا۔
طبی کامیابیاں:
اس نے 2024 ء میں اہم طبی کامیابیوں کی پیش گوئی کی، جس میں الزائمر کے نئے علاج اور کینسر کے علاج کی ایجاد شامل ہیں۔
بابا وانگا کون تھی؟
بابا وانگا، 1911 ء میں سٹرومیکا، شمالی مقدونیہ میں پیدا ہوئی تھی۔ اس کا شمار اپنے ملک کے مذہبی رہنمائوں میں ہوتا ہے۔12 سال کی عمر میں اپنی بینائی کھونے کے باوجود، اس نے مستقبل کو دیکھنے کا تحفہ رکھنے کا دعویٰ کیا۔
وہ 11 اگست 1996 ء کو انتقال کر گئی تھیں، لیکن انہوں نے اپنے پیچھے متعدد پیشین گوئیاں چھوڑیں، جن میں ان کا یہ یقین بھی شامل تھا کہ دنیا 5079 ء میں ختم ہو جائے گی۔ جبکہ بابا وانگا نے 2024 ء کے لیے بے شمار پیشین گوئیاں کی تھیں، لیکن وقت ہی بتائے گا کہ کتنی حقیقت میں بدلیں گی۔
