مسلمانوں کی ہمدرد جج کو نوبل انعام ملنے پر اسرائیلی وزیراعظم بھڑک اٹھے

مسلمانوں کے حقوق کی حمایت کرنے والی جج ناوی پلّے کو نوبل انعام دیے جانے پر اسرائیلی وزیراعظم کی جانب سے سخت ردعمل سامنے آیا ہے۔ نوبل کمیٹی کو تنقید کا نشانہ بناتے ہوئے الزام عائد کیا گیا کہ اس نے اپنا اخلاقی معیار کھو دیا ہے اور ایسے شخص کو اعلیٰ اعزاز سے نوازا ہے جس نے اسرائیل کے خلاف بے بنیاد الزامات پھیلانے میں کردار ادا کیا۔

بیان کے مطابق، ناوی پلّے کی سب سے بڑی کامیابی ایک ایسے پراسیکیوٹر کو قانونی جواز فراہم کرنا تھی جس نے اسرائیل کے خلاف اپنے الزامات کو تقویت دینے کے لیے ان کے دعوؤں کا سہارا لیا۔ بیان میں دعویٰ کیا گیا کہ پراسیکیوٹر نے جنسی زیادتی کے الزام کا سامنا کرتے ہوئے پلّے کے مؤقف سے فائدہ اٹھانے کی کوشش کی۔

بیان میں عالمی فوجداری عدالت (آئی سی سی) کے پراسیکیوٹر کریم خان پر بھی الزام لگایا گیا ہے کہ ان کے اپنے ادارے کے ملازمین نے ان پر ریپ اور جنسی ہراسانی کے الزامات عائد کیے تھے۔ بیان کے مطابق، خان نے اسرائیل کے خلاف ایک مبینہ جعلی مقدمہ تیار کرنے کے لیے پلّے کے الزامات کو استعمال کیا۔

بیان میں کہا گیا کہ پلّے نے الزامات فراہم کیے، خان نے انہیں بطور ہتھیار استعمال کیا، اور اب نوبیل کمیٹی کے ارکان ایسی خاتون کو اعزاز دے رہے ہیں جس پر یہودیوں کے خلاف منفی تاثر پھیلانے اور انصاف کے ساتھ سنگین ناانصافی کا سبب بننے کا الزام عائد کیا گیا ہے۔