کابل(نیوزڈیسک)افغانستان کے صوبے بدخشاں کے شمال مشرقی حصے میں بھارتی مسافر طیارہ گر کر تباہ ہوگیا۔
غیر ملکی میڈیا کے مطابق افغان پولیس کا کہنا ہے کہ طیارہ افغان ضلع زیبک کے توپ خانہ پہاڑوں پر گر کر تباہ ہوا، مسافر طیارہ کل رات ریڈار سے غائب ہوگیا تھا۔
اس حوالے سے افغان پولیس کا کہنا ہے کہ طیارے کی قسم، مسافروں کی تعداد اور حادثے کی وجہ فوری واضح نہیں ہوسکی ہے۔
افغان حکام کے مطابق واقعے کی تحقیقات کے لیے ایک ٹیم علاقے میں بھیج دی گئی ہے۔
