بیجنگ(نیوزڈیسک)چائنا ڈیولپمنٹ فورم کا 2024 کا سالانہ اجلاس اختتام پذیر ہوگیا۔ شرکاء اجلاس نے کہا کہ چینی حکومت اعلیٰ معیار کی ترقی اور اعلیٰ سطحی کھلے پن کو فروغ دینے کے لیے پرعزم ہے اور اس نے اصلاحات کو فروغ دینے کے لیے متعدد مثبت اقدامات کا اعلان کیا ہے جس سے نہ صرف اپنی قوت اور صلاحیتوں کو بروئے کار لایا جائے گا بلکہ دنیا کی ترقی میں نئی رفتار پیدا ہوگی اور مستقبل کی ترقی کے روشن امکانات بھی سامنے آئیں گے۔
چینی میڈیا کے مطابق آئی ایم ایف کی ڈائریکٹر کرسٹالینا جارجیواکا ماننا ہے کہ آج کا چین اعلی ترقی سے اعلی معیار کی طرف بڑھ رہا ہے۔ مجھے پختہ یقین ہے کہ مارکیٹ کی قوتوں اور وسائل کی تعیناتی کا امتزاج سرمائے اور لیبر کی پیداواری صلاحیت کو بہتر بنا سکتا ہے، اور یہ امتزاج مثبت اقتصادی ترقی کو فروغ دے سکتا ہے، اصلاحات کے عزم کو تیز کر سکتا ہے، اور چینی عوام کے لئے دوبارہ خوشحالی لا سکتا ہے.
چین کی مارکیٹ کا سائز بہت بڑا ہے اور دروازے وسیع سے وسیع تر ہو رہے ہیں. اس اعلی سطحی فورم میں فارچیون 500 کمپنیوں کے متعدد سربراہان چین آئے اور وہ وسیع تر ترقی کے مواقع سے فائدہ اٹھانے کے لئے پر عزم ہیں۔
