بیجنگ(نیوزڈیسک)بوآو فورم فار ایشیا کی سالانہ کانفرنس 2024 کا آغاز 26 تاریخ کو ہوا جس میں دو فلیگ شپ رپورٹس کا اعلان کیا گیا۔ سالانہ اجلاس میں چینی اور غیر ملکی مہمان مصنوعی ذہانت، اعلیٰ معیار کی ترقی اور مالی تعاون جیسے موضوعات پر تفصیلی تبادلہ خیال کر رہے ہیں۔
گزشتہ روز کانفرنس کے دوران “ایشیا کے مستقبل میں سرمایہ کاری” کے موضوع پر ایک ذیلی فورم کا انعقاد کیا گیا، اجلاس میں مہمانوں نے ایشیا کے اندر اور باہر سرمائے کے بہاؤ پر تفصیلی تبادلہ خیال کیا، اور ایشیا بحر الکاہل خطے میں سرمایہ کاری اور ترقی کے لئے تعاون پر اتفاق رائے کیا گیا.
اسی روز “تجارتی تقسیم کو کم کرنا” کے موضوع پر بھی ایک ذیلی فورم منعقد کیا گیا۔ شرکاء نے بین الاقوامی تعاون کو مضبوط بنانے، سب کے لئے اقتصادی گلوبلائزیشن کو فروغ دینے اور اشتراکیت اور ڈبلیو ٹی او اصلاحات کو فروغ دینے جیسے موضوعات پر تبادلہ خیال کیا۔
