تل ابیب:اسرائیل کے وزیر اعظم بینجمن نیتن یاہو نے غزہ کے حوالے سے مذاکرات کے لئے ایک وفد 15 اگست کو بھیجنے کا اعلان کیا ہے ۔
غیر ملکی میڈیا کے مطابق اسرائیلی وزیر اعظم کے دفتر سے جاری بیان کے حوالے سے بتایا کہ امریکا اور دیگر ثالثوں کی تجویز پر اسرائیل 15 اگست کو مذاکرات کے لیے ایک وفد بھیجے گا جس کے مقام کا تعین بعد میں کیا جائے گا ۔
اس وفد کی روانگی کا مقصد فریم ورک معاہدے پر عمل درآمد کی تفصیلات طے کر نا ہے۔
قبل ازیں مصر، قطر اور امریکا کے رہنماؤں نےایک مشترکہ بیان میں فریقین سے 15 اگست کو دوحہ یا قاہرہ میں غزہ کی پٹی میں جنگ بندی کے حوالے سے بات چیت دوبارہ شروع کرنے کا مطالبہ کیا۔
