چین کی معیشت دنیا کے لیے مواقع لے کر آتی ہے ، چینی میڈیا

بیجنگ :چین کی جانب سے پانچویں قومی اقتصادی مردم شماری کے نتائج  کے  باضابطہ اعلان  کے بعد   ، بہت سے غیر ملکی میڈیا نے مثبت تبصرے کیےہیں ۔ اعداد و شمار کے مطابق 2023 میں چین کی جی ڈی پی 130 ٹریلین یوآن کے قریب رہی   جو مجموعی معیشت کے لحاظ سے دنیا میں دوسرے نمبر پر ہے۔ گزشتہ پانچ برسوں کے دوران عالمی اقتصادی ترقی میں چین کا حصہ اوسطاً  30 فیصد رہا ہے جس کی وجہ سے یہ عالمی اقتصادی ترقی کا سب سے بڑا ذریعہ بن گیا ہے۔ اسی دن عالمی بینک نے رواں سال اور اگلے سال چین کی اقتصادی نمو کے بارے میں اپنی پیش گوئی میں اضافہ کیا۔ مخصوص مردم شماری کے نتائج کو دیکھتے ہوئے، گزشتہ پانچ سالوں میں عالمی معیشت پر بڑھتے ہوئے دباؤ، جغرافیائی سیاسی انتشارمیں اضافہ، بڑھتی ہوئی تجارتی تحفظ پسندی، اور  کورونا  وبا کے اثرات جیسے متعدد خطرات کے پیش نظر  چین کی معیشت نے دباؤ کا مقابلہ  کرتے ہوئے ساختی اصلاح، جدت طرازی پر مبنی اور سبز تبدیلی میں بہت سی مثبت تبدیلیاں دکھائی ہیں۔ ان میں سب سے نمایاں چین کی اقتصادی ترقی کی حمایت کرنے والے انجن  کو مسلسل اپ گریڈ کرنا ہے۔ خاص طور پر جدت طرازی پر مبنی ترقیاتی حکمت عملی کے گہرائی سے نفاذ کے ساتھ، بڑی تعداد میں اختراعی کامیابیاں سامنے آئی ہیں۔ اعداد و شمار کے مطابق 2023 میں چین میں نامزد سائز سے بالا صنعتی اداروں   کی طرف سے ایجادات کی  پیٹنٹ درخواستوں کی تعداد میں 2018 کے مقابلے میں 65.1 فیصد اضافہ ہوا. اس کے علاوہ  گزشتہ پانچ سالوں میں، چین کی اقتصادی اور سماجی سبز اور کم کاربن تبدیلی نے قابل ذکر نتائج حاصل کیے ہیں اور نئی توانائی کی صنعت پھل پھول رہی  ہے. پہلی بار مردم شماری میں ڈیجیٹل معیشت سے متعلق مواد شامل کیا گیا ہے۔ 2023 میں چین کی ڈیجیٹل معیشت کی مرکزی صنعتوں میں منظور کردہ ایجادات کے پیٹنٹ کی تعداد دنیا  کا 40 فیصد سے زیادہ ہے ، جس نے نہ صرف چینی معاشی اور معاشرتی ترقی میں نئی رفتار پیدا کی ہے  ، بلکہ عالمی ڈیجیٹل ٹیکنالوجی، جدت طرازی اور تعاون کو بھی فروغ دیا ، اور عالمی ڈیجیٹل معیشت کی ترقی میں مدد کی ہے ۔ بین الاقوامی مالیاتی فنڈ کی تحقیق سے پتہ چلتا ہے کہ چین کی معیشت میں ترقی کے ہر 1 فیصد پوائنٹ سے دیگر معیشتوں کی پیداوار کی سطح میں اوسطاً  0.3 فیصد پوائنٹس کا اضافہ ہوگا۔ بیلجیئم چائنا اکنامک اینڈ ٹریڈ کمیٹی کے چیئرمین برنارڈ ڈیوڈ  کے خیال میں  “ایک زیادہ خوشحال چین عالمی معیشت میں استحکام پیدا کرے گا ، اورایک  زیادہ کھلا چین دنیا کو فائدہ پہنچائے گا”۔