چین کی بحری معیشت میں ترقی کا مضبوط رجحان

بیجنگ :چین کی وزارت قدرتی وسائل کے مطابق، چین کی سمندری معیشت  ترقی کا  مضبوط  رجحان  ظاہر کر رہی ہے  اور  سمندر، قومی توانائی، پانی کے وسائل اور خوراک کی فراہمی کو یقینی بنانے سمیت دیگر شعبوں میں زیادہ نمایاں کردار ادا کر رہا ہے ۔ہفتہ کے روز  اعداد و شمار کے مطابق  سمندر تیل اور گیس کے ذخائر اور پیداوار بڑھانے میں اہم قوت بن گیا ہے۔ 2024 میں، چین کی نئی خام تیل کی پیداوار میں نئے آف شور خام تیل کی پیداوار کا تناسب 60 فیصد سے زیادہ ہے  اور  آف شور ونڈ پاور کی مجموعی گرڈ سے منسلک انسٹال شدہ صلاحیت دنیا کی کل  صلاحیت کا  50 فیصد سے زیادہر ہے۔ 2024 میں، سمندری پانی  کے ڈی سیلینیشن کی  پیداوار کے  400 ملین ٹن سے تجاوز کرنے کی توقع ہے اور  انڈسٹریل کولنگ سی واٹر کی کھپت  180 بلین ٹن سے تجاوز کر جائے گی۔ سمندری آبی مصنوعات کے کل حجم میں مسلسل اضافہ ہوا ہے، جو مسلسل 35 سالوں سے دنیا میں پہلے نمبر پر ہے جو  ایک حقیقی  نیلے اناج کا ذخیرہ بنتا جا رہا ہے ۔ بحری جہازوں اور آف شور آلات کا مارکیٹ شیئر دنیا  کی مارکیٹ  کا   50 فیصد سے زیادہ ہے  اور شپنگ کا حجم اور کنٹینر تھرو پٹ دنیا کے ایک تہائی سے زیادہ ہے، جو عالمی اقتصادی ترقی کے لیے ایک اہم محرک قوت  فراہم کرتا ہے۔اس کے علاوہ، سمندری  سائنس اور ٹیکنالوجی انٹیلی جنس، بغیر پائلٹ اور ڈیجیٹلائزیشن کی طرف تبدیلی کو تیز کر رہی ہے۔