چین کا اپنے مغربی علاقے کی ترقی کے لیے نئے اقدامات کا اعلان

بیجنگ:چائنا جنرل ایڈمنسٹریشن آف کسٹمز نے نئے دور میں مغربی علاقے کی ترقی کی حمایت کے لئے 15 اقدامات کا اعلان کیا ہے۔ نئے اقدامات کے مطابق، مغربی علاقے میں بندرگاہوں کی تعمیر پر توجہ دی جائے گی۔ ان علاقوں میں ضرورت کے مطابق بندرگاہوں کو کھولنے یا ان میں توسیع کی حمایت کی جائے گی اور اسمارٹ بندرگاہوں کی تعمیر کی بھی حمایت کی جائے گی۔اس کے علاوہ دریا، سمندر اور ریل پر مشتمل انٹر ماڈل مشترکہ نقل و حمل کی اعلی معیار کی ترقی کی حمایت کی جائے گی۔چھنگ ڈو، چھونگ چھنگ، کھون منگ، شی آن، ارمچی اور دیگر شہروں میں بین الاقوامی ہوائی مراکز کی تعمیر کی حمایت کی جائے گی اور مغربی علاقے میں جامع “بانڈڈ زونز” کی اصلاحات کو فروغ دیا جائے گا۔