کابل:افغانستان کے مغربی اور جنوبی علاقوں میں موسلا دھار بارشوں کی وجہ سے سیلاب آیا جس کے نتیجے میں 29 افراد جاں بحق ہو گئے۔
غیر ملکی میڈیا کے مطابق مغربی صوبہ فرح کے آفات کے انتظام کے سربراہ محمد سیال نے کہا کہ بارشوں کی وجہ سے صوبے کے علاقہ کالاکہ میں سیلاب آیا جس کے نتیجے میں 21 افراد جاں بحق اور 6 زخمی ہو گئے۔
جنوبی صوبہ قندھار کے آفات کے انتظام کے سربراہ عبدالعماری نے کہا کہ صوبے میں بارشوں کی وجہ سے آنے والے سیلاب کے نتیجے میں 8 افراد ہلاک اور 3 زخمی ہو گئے۔
اس ہفتے کے آغاز سے افغانستان کے متعدد علاقوں میں شدید بارشوں کی وجہ سے سیلاب اور زمینی تودے گرنے جیسی آفات آئی ہیں۔
