امریکہ نے کینڈا کی مصنوعات پر ٹیرف عائد کیا تو انتہائی مضبوط ردعمل دیا جائیگا، جسٹس ٹروڈو

کینیڈا کے وزیر اعظم جسٹن ٹروڈو نے کہا کہ کینیڈا امریکہ کے ساتھ تجارتی جنگ نہیں چاہتا، لیکن اگر امریکہ 4 مارچ کو کینیڈا کی مصنوعات پر ٹیرف عائد کرتا ہے، تو کینیڈا “فوری طور پر انتہائی مضبوط ردعمل دے گا”۔ اس سے قبل اسی دن امریکی صدر ڈونلڈ ٹرمپ نے سوشل میڈیا پلیٹ فارم پر کہا تھا کہ میکسیکو اور کینیڈا پر ٹیرف کے اقدامات 4 مارچ کو ہی نافذ ہوں گے۔
کینیڈین میڈیا کے مطابق اگر یہ ٹیرف اقدامات نافذ ہو جاتے ہیں، تو کینیڈا ردعمل کے طور پر امریکی مصنوعات پر جوابی ٹیرف عائد کرنے کے منصوبے کو دوبارہ شروع کر دے گا۔ اس سے قبل، کینیڈا کے وزیر اعظم جسٹن ٹروڈو نے امریکہ کی جانب سے کینیڈا کی مصنوعات پر ٹیرف عائد کرنے کے جواب میں 155 ارب کینیڈین ڈالر مالیت کی امریکی مصنوعات پر 25فیصد ٹیرف عائد کرنے کا اعلان کیا تھا۔