پیوٹن سے ملاقات کے لیے تیار ہیں، یوکرینی صدر زیلنسکی

یوکرین کے صدر ولادیمیر زیلنسکی نے کہا کہ یوکرین اعلیٰ سطحی ملاقات کے لیے تیار ہے اوروہ روسی صدر پیوٹن سے ملاقات کےلئے بھی آمادہ ہیں۔ انہوں نے کہا کہ یوکرین اعلیٰ ترین سطح پر ملاقاتوں کے لیے تیار ہے اور یہ سطح فیصلہ سازی سے تعلق رکھتی ہے۔ان کا کہنا تھا کہ وہ پیوٹن سمیت تمام ایسی شخصیات سے ملنے کے لئے تیار ہیں ، جن کے پاس فیصلہ سازی کی طاقت اور اختیار ہے۔ اس کے علاوہ ان کا کہنا تھا کہ انہیں امید ہے کہ امریکی صدر ڈونلڈ ٹرمپ کے دور میں روس یوکرین تنازع ختم ہو جائے گا۔