اقوام متحدہ میں چین کے مستقل مندوب فو چھونگ نے اقوام متحدہ کے چارٹر پر دستخط کی 80 ویں سالگرہ کے موقع پر منعقدہ یادگاری کانفرنس سے خطاب کرتے ہوئے اقوام متحدہ کی مرکزی حیثیت پر مبنی بین الاقوامی نظام کا تحفظ کرنے پر زور دیا۔
فو چھونگ نے کہا کہ 80 سال پہلے، عالمی فسطائیت مخالف جنگ نے ایک عظیم فتح حاصل کی، اور سان فرانسسکو آئینی کنونشن نے متفقہ طور پر اقوام متحدہ کے چارٹر کو اپنایا، جس نے کثیرالجہتی کی بنیاد رکھی، بین الاقوامی تعلقات کے بنیادی اصولوں کو قائم کیا، اور انسانی معاشرے کی ترقی کی سمت کی نشاندہی کی۔ آج، 80 سال بعد، ہم یہاں پر چارٹر کے جذبے کو دہرا رہے ہیں تاکہ تاریخ سے سبق لے کر مستقبل کی تعمیر کریں اور چارٹر کے وسیع و عریض منصوبے کو حقیقت بنانے کی کوشش کریں۔
فو چھونگ نے کہا کہ ہمیں دوسری عالمی جنگ کی فتح کے ثمرات کا مشترکہ دفاع کرنا چاہیے، تاریخ کو مسخ کرنے والی کسی بھی غلط بات اور عمل کی مخالفت کرنی ہو گی، اقوام متحدہ کے مرکز پر مبنی بین الاقوامی نظام کو مضبوطی سے قائم رکھنا ہوگا، بین الاقوامی قانون کی بنیاد پر بین الاقوامی نظم کا تحفظ کرنا ہو گا اور اصولوں کی بنیاد پر کثیرالجہتی تجارتی نظام کی حمایت جاری رکھنی ہو گی۔
فو چھونگ نے کہا کہ چین چارٹر پر دستخط کرنے والا پہلا ملک ہے۔ چارٹر کے سنجیدہ عہد کو پورا کرنے کے لیے چین عملی اقدامات کرتا رہے گا اور دنیا میں امن اور ترقی کو برقرار رکھنے اور انسانیت کے ہم نصیب معاشرے کی تعمیر کے لیے مسلسل کوششیں جاری رکھے گا۔
