واشنگٹن: امریکی سینیٹ نے ٹیکس اور اخراجات میں جامع کٹوتی کے بل کی منظوری دی ہے اور بل امریکی ایوان نمائندگان کو پیش کر دیا گیا۔امریکی سینیٹ نے امریکی صدر ڈونلڈ ٹرمپ کی جانب سے پیش کردہ ٹیکس اور اخراجات میں کٹوتی کے بل کو منظور کرنے کے لیے 50 کے مقابلے میں 51 ووٹ ڈالے۔ اسی دوران سینیٹرز نے درجنوں مجوزہ قانون سازی میں تبدیلیوں پر ووٹ دیا۔
سینیٹ کی جانب سے بل میں بڑی تبدیلیوں کی وجہ سے یہ ترمیمی بل، جسے ٹرمپ نے ‘بڑا اور خوبصورت بل قرار دیا تھا، اب ایوان نمائندگان میں واپس آ جائے گا اور اسے دستخط کے لیے امریکی صدر کے پاس پیش کرنے اور قانون کی شکل اختیار کرنے سے پہلے ایوان نمائندگان سے دوبارہ منظور کرانے کی ضرورت ہوگی۔ ایوان نمائندگان کے اسپیکر مائیک جانسن نے کہا ہے کہ وہ ٹرمپ کی جانب سے مقرر کردہ 4 جولائی کی ڈیڈ لائن سے پہلے اس بل کو منظور کرانے کی کوشش کریں گے۔
