چین روس  جامع اسٹریٹجک شراکت داری کی تعمیر کو مزید آگے بڑھانا چاہیے، چینی صدر

بیجنگ : چینی صدر شی جن پھنگ سے بیجنگ میں روسی وزیر خارجہ سرگئی لاوروف نے  ملاقات کی۔منگل کےروز اس موقع پر شی جن پھنگ نے صدر پیوٹن کے لیے نیک کلمات کا اظہار کیا۔ شی جن پھنگ نے کہا کہ فریقین کو دونوں رہنماوں کے درمیان طے پانے والے اہم اتفاق رائے پر عمل درآمد کرنا چاہیے، چین روس  جامع اسٹریٹجک شراکت داری کی تعمیر کو مزید آگے بڑھانا چاہیے، کثیر الجہتی پلیٹ فارمز میں باہمی حمایت کو مضبوط بنانا چاہیے، دونوں ممالک کی ترقی اور سلامتی مفادات کا تحفظ کرنا چاہیے، گلوبل ساؤتھ  ممالک کو متحد کرتے ہوئے بین الاقوامی نظام کو زیادہ منصفانہ اور معقول سمت میں فروغ دینا چاہیے۔ شنگھائی تعاون تنظیم  یوریشیائی براعظم میں امن، استحکام اور ترقی کے لئے نہایت اہمیت کی حامل ہے۔ دونوں فریقوں کو  اس تزویراتی پلیٹ فارم کو مزید مضبوط کرنے کے لیے باہمی تعاون کرنا چاہیئے۔