تیسری چائنا انٹرنیشنل سپلائی چین ایکسپو میں گلوبل سپلائی چین پروموشن رپورٹ” کا اجراء

بیجنگ :تیسری چائنا انٹرنیشنل سپلائی چین ایکسپو  سولہ جولائی کو  بیجنگ میں شروع ہوئی۔ ایکسپو  میں ، “گلوبل سپلائی چین پروموشن رپورٹ” جاری کی گئی ، اور سپلائی چین کے چار اہم  انڈیکس میٹرکس پہلی بار جاری کیے گئے ، جو عالمی سپلائی چین کے گہرے تعاون کے لئے “چینی حل” فراہم کرتے ہیں۔رپورٹ میں گزشتہ سال عالمی سپلائی چین کے  پروموشن سسٹم کی تازہ ترین صورتحال کا منظم انداز میں تجزیہ کیا گیا ہے، اور عالمی سپلائی چین کی ترقی کو فروغ دینے کے لئے چین کی طرف سے لائے گئے اہم طریقوں اور مواقع کا خلاصہ کیا گیا ہے. علاوہ ازیں رپورٹ میں عالمی جدید ترین ٹیکنالوجی اور کلیدی مصنوعات کی تحقیق اور ترقی کی تازہ ترین صورتحال  پر  بھی توجہ مرکوز  کی گئی ہے.گلوبل سپلائی چین انڈیکس میٹرکس سے پتہ چلتا ہے کہ عالمی سپلائی چین کی مجموعی ترقی اب نسبتاً مستحکم ہے ۔ 2018 سے 2024 تک ، گلوبل سپلائی چین انڈیکس میٹرکس میں شامل پروموشن ، کنکشن ، جدت طرازی اور لچک پر مشتمل  چار انڈیکس اقدار میں اضافہ ہوا ہے ۔