جاپانی سینیٹ کے انتخابات کی آمد پر ایشیبا کابینہ کی شرح حمایت خطرے میں

ٹوکیو: جاپانی ڈائٹ کے 27 ویں ہاؤس آف کونسلرز کے انتخابات میں 20 جولائی کو ووٹ ڈالے جائیں گے۔ ایک حالیہ سروے کے مطابق موجودہ وزیر اعظم شیگیرو ایشیبا کی زیر قیادت کابینہ کی حمایت کی شرح گزشتہ ماہ کے مقابلے میں 6.2 فیصد مزید کم ہو کر صرف 20.8 فیصد رہ گئی ہے، جو ان کی انتظامیہ کے بعد سے سب سے کم معیار ہے، جبکہ ناپسندیدگی کی شرح 55 فیصد تک بڑھ گئی ہے، جو گزشتہ ماہ کے مقابلے میں 6.6 فیصد کا اضافہ ہے۔ جاپانی سیاست میں 30 فیصد سے کم کابینہ کی شرح حمایت کو رائے عامہ’’خطرناک ‘‘ ہونے کے طور پر دیکھتی ہے۔ اگر یہ شرح 20 فیصد سے بھی نیچے گرتی ہے تو اسے’’برطرفی‘‘ کے طور پر دیکھا جائے گا۔ متعدد سروےظاہر کرتے ہیں کہ جاپان کی لبرل ڈیموکریٹک پارٹی اور کومیتو پارٹی پر مشتمل حکمران اتحاد کو مشکل انتخابی صورتحال کا سامناہے اور نشستوں کی اکثریت برقرار رکھنے کے ہدف کو حاصل کرنا مشکل ہوسکتا ہے۔