سابق وزیر اعظم آزادکشمیر سردار تنویر الیاس کے خلاف ڈپلومیٹک پاسپورٹ کیس میں فردِ جرم عائد
اسلام آباد: ڈسٹرکٹ اینڈ سیشن کورٹس اسلام آباد میں سابق وزیر اعظم آزاد کشمیر سردار تنویر الیاس کے خلاف ڈپلومیٹک پاسپورٹ کے استعمال سے متعلق کیس کی سماعت ہوئی۔
عدالت میں سردار تنویر الیاس خود پیش ہوئے۔ جوڈیشل مجسٹریٹ احمد شہزاد گوندل نے کیس کی کارروائی کی اور سردار تنویر الیاس پر ڈپلومیٹک پاسپورٹ کیس میں فردِ جرم عائد کی۔سردار تنویر الیاس نے صحتِ جرم سے انکار کیا۔ عدالت نے اگلی سماعت پر استغاثہ کے گواہان کو طلب کر لیا ہے۔