لندن ہائی کورٹ نے بریگیڈیئر (ر) راشد نصیر کے حق میں فیصلہ سناتے ہوئے یوٹیوبر عادل راجہ کو 50 ہزار پاؤنڈ (تقریباً 13 کروڑ پاکستانی روپے) ہرجانے اور عدالتی اخراجات کی ادائیگی کا حکم دے دیا۔
عدالتی فیصلے کے مطابق عادل راجہ نے بریگیڈیئر (ر) راشد نصیر پر جھوٹے، بے بنیاد اور توہین آمیز الزامات لگائے جن سے ان کی ساکھ کو نقصان پہنچا۔ عدالت نے قرار دیا کہ یہ الزامات ثابت نہ ہوسکے۔فیصلے میں کہا گیا ہے کہ عادل راجہ بریگیڈیئر (ر) راشد نصیر کو ہرجانے کے علاوہ عدالتی اخراجات کی مد میں تقریباً 3 لاکھ پاؤنڈ بھی ادا کریں۔ہائی کورٹ نے مزید ہدایت دی کہ عادل راجہ اپنے تمام میڈیا پلیٹ فارمز پر راشد نصیر کے مقدمہ جیتنے کی خبر شائع کریں۔
