بیجنگ:16 نومبر کو شائع ہونے والے چھیوشی میگزین کے 22ویں شمارے میں سی پی سی کی مرکزی کمیٹی کے جنرل سیکریٹری، عوامی جمہوریہ چین کے صدر اور مرکزی فوجی کمیشن کے چیئرمین شی جن پھنگ کا ایک اہم مضمون شائع ہو گا، جس کا عنوان ہے “مقامی حالات کے مطابق نئی معیاری پیداواری قوتوں کی ترقی”۔ یہ مضمون شی جن پھنگ کے ستمبر 2023 سے اپریل 2025 تک کے اہم خطابات کا ایک اقتباس ہے۔
مضمون میں اس بات پر زور دیا گیا ہے کہ نئی معیاری پیداواری قوت ایسی جدید پیداواری قوت ہے جس میں جدت طرازی اہم کردار ادا کرتی ہے، یہ روایتی اقتصادی ترقی کے ماڈلز اور ترقی کے راستوں سے الگ ہے، ہائی ٹیک، اعلیٰ کارکردگی اور اعلیٰ معیار کی خصوصیات کی حامل ہے اور نئے ترقیاتی فلسفے سے مطابقت رکھتی ہے۔
تکنیکی جدت اور صنعتی اختراع نئی معیاری پیداواری قوتوں کی نشوونما کے لیے بنیادی راستے ہیں۔ اعلیٰ معیار کی ترقی کو متاثر اور محدود کرنے والی ادارہ جاتی اور میکانزم کی خرابیوں کو پختہ طور پر ختم کرنے اور پیداواری تعلقات کو بہتر بنانے کی ضرورت ہے، جو نئی معیاری پیداواری قوتوں کے لیے زیادہ موافق ہوں۔ 15ویں پانچ سالہ منصوبے کے دوران، یہ ضروری ہے کہ مقامی حالات کے مطابق نئی معیاری پیداواری قوتوں کی ترقی کو زیادہ نمایاں اسٹریٹجک پوزیشن پر رکھا جائے، تکنیکی جدت کو رہنما کے طور پر اور حقیقی معیشت کو بنیاد کے طور پر لیا جائے، اور جدید صنعتی نظام کی تعمیر کو تیز کیا جائے۔
