مسلم لیگ (ق) کا گلگت بلتستان کے بلدیاتی و صوبائی انتخابات میں بھرپور حصہ لینے کا فیصلہ

اسلام آباد:پاکستان مسلم لیگ (ق) کی نامزد مرکزی نائب صدر انیلہ ایاز چوہدری اور گلگت بلتستان کے صدر دلفراز خان نے ایک مشترکہ بیان میں کہا ہے کہ مسلم لیگ (ق) نہ صرف بلدیاتی انتخابات میں بھرپور حصہ ہے گی بلکہ گلگت بلتستان کے صوبائی انتخابات میں بھی فعال کردار ادا کرے گی۔
پارٹی رہنماؤں نے کہا کہ مسلم لیگ (ق) تیزی سے متحرک اور فعال ہو رہی ہے۔اور عوامی خدمت کے جذبے کے ساتھ سیاسی میدان میں اپنی موجودگی کو مزید موثر بناے گی۔
اس موقع پر یہ بھی واضح کیا گیا کہ پارٹی صدر اور قائد چوہدری شجاعت حسین کا ترقی و خوشحالی کا پیغام گھر گھر پہنچا یا جائے گا تاکہ عوام کو ایک بہتر مستقبل کی طرف لےجایا جا سکے۔انیلہ ایاز چوہدری اور دلفراز خان نے کہا کہ مسلم لیگ (ق) عوامی مسائل کے حل اور قومی ترقی کے ایجنڈے پر عمل پیرا ہے۔ پارٹی کی حکمت عملی عوامی خدمت، شفافیت اور خوشحال پاکستان کے وژن پر مبنی ہے۔مسلم لیگ (ق) کی قیادت نے اس عزم کا اظہار کیا کہ پارٹی ہر سطح پر عوامی نمائندگی کو یقینی بنائے گی اور ملک کے کونے کونے میں ترقی و خوشحالی کا پیغام عام کرے گی۔