جرمن سیاست دانوں کا دوسری جنگ عظیم کی تاریخی ذمہ داری سنبھالنے کے عزم کا اعادہ

بر لن :اس سال دوسری جنگ عظیم کی فتح کی 80 ویں سالگرہ منائی جارہی ہے۔ رواں برس مئی سے جرمنی بھر میں جنگ عظیم دوم کی یاد میں متعدد تقریبات منعقد کی جا رہی ہیں۔ یورپ میں دوسری جنگ عظیم چھیڑنے والا ملک جرمنی بخوبی جانتا ہے کہ نازی جرمنی نے اپنے ہمسایہ ممالک کو بھاری تباہی اور نقصان سے دوچار کیا تھا۔ ان تاریخی جرائم پر گہرائی کے ساتھ خوداحتسابی سے ہی جرمنی کو اس کے یورپی پڑوسی اور عالمی برادری قبول کر سکتی ہے۔ یکم دسمبر کو جرمن چانسلر فریڈرش میرس نے برلن میں پولینڈ کے وزیر اعظم ڈونلڈ ٹسک سے ملاقات کی۔ملاقات کے بعد منعقدہ ایک پریس کانفرنس میں جرمن چانسلر نے کہا کہ جرمنی ہمیشہ یاد رکھے گا کہ دوسری جنگ عظیم کے دوران نازی جرمنی نے پولینڈ کو بھاری نقصان پہنچایا تھا۔ 2 دسمبر کو، جرمن صدر سٹائن مائر نے برلن میں یہودیوں کی یادگار پر ایک تقریر کرتے ہوئے کہا کہ 20ویں صدی سے، جرمن حکومت اور جرمن کمپنیوں نے فعال طور پر دوسری جنگ عظیم کےمتاثرین کو ہرجانہ ادا کیا ہے، اور جرمنی اپنے جرائم کو کبھی فراموش نہیں کرے گا ۔