اقوام متحدہ کے سیکرٹری جنرل کی چینی نئے سال کے موقع پر مبارک باد

بیجنگ(چائنہ ڈیسک) اقوام متحدہ کے سیکرٹری جنرل انتونیو گوتریس نے  ایک ویڈیو پیغام کے ذریعے گھوڑے سے منسوب چینی نئے سال کے موقع پر مبارک باد پیش کی۔منگل کے روز انہوں نے خواہش ظاہر کی کہ گھوڑے سے منسوب یہ سال چینی عوام کے لیے صحت، خوشی اور خوشحالی لے کر آئے۔ انہوں نے کثیرالجہتی نظام اور عالمی یکجہتی کے فروغ میں چین اور چینی عوام کی مستقل حمایت پر شکریہ ادا کیا۔گوتریس نے کہا کہ گھوڑا توانائی، کامیابی اور آگے بڑھنے کے عزم کی علامت ہے، اور موجودہ دور میں جب دنیا تنازعات، عدم مساوات اور موسمیاتی بحران جیسے چیلنجز کا سامنا کر رہی ہے، یہی اوصاف عالمی برادری کو سب سے زیادہ درکار ہیں۔