ایران نے نئے سپریم لیڈر کا حتمی فیصلہ کر لیا

تہران :ایرانی ذرائع کے مطابق ایرانی ماہرین کی مجلس نے ملک کے نئے سپریم لیڈر کے بارے میں حتمی فیصلہ کر لیا ہے۔ ایرانی مذہبی شخصیت آیت اللہ مہدی میر باقری کے مطابق، ماہرین کی مجلس نے سپریم لیڈر کے انتخاب کے لیے بھرپور کوششیں کیں اور ایک ایسا فیصلہ کیا جو اکثریتی رائے کی نمائندگی کرتا ہے۔ تاہم میر باقری نے نئے سپریم لیڈر کا نام ظاہر نہیں کیا۔ امریکی صدرڈونلڈ ٹرمپ نے ریاست فلوریڈا روانگی کے وقت صحافیوں سے بات کرتے ہوئے کہا کہ فی الحال امریکہ کا ایران میں زمینی فوج تعینات کرنے کا کوئی منصوبہ نہیں ہے، اور کہا کہ یہ مسئلہ "عوامی بحث کے لیے مناسب نہیں ہے۔” ٹرمپ کا کہنا تھا کہ مستقبل میں کسی بھی زمینی کارروائی کے لیے "انتہائی مضبوط جواز” کی ضرورت ہو گی۔ انہوں نے اشارہ دیا کہ اہداف میں ایرانی جوہری یا توانائی کی تنصیبات شامل ہو سکتی ہیں، لیکن واضح کیا کہ اس وقت امریکہ بنیادی طور پر فضائی کارروائیوں پر انحصار کر رہا ہے۔ ٹرمپ نے یہ بھی کہا کہ وہ نہیں چاہتے کہ کرد فورسز ایران کے خلاف جنگ میں شامل ہوں، تاکہ تنازعہ مزید پیچیدہ نہ ہو۔